ഗ്രീൻ പീസിൽ ധാരാളം പോഷകഗുണങ്ങൾ അടങ്ങിയിരിക്കുന്നു. 100 ഗ്രാം ഗ്രീൻ പീസിൽ 78 കാലറി മാത്രമാണുള്ളത്. പ്രോട്ടീന്റെ മികച്ച ഉറവിടമായ ഗ്രീൻ പീസ് പ്രതിരോധശേഷി വർദ്ധിപ്പിക്കാൻ സഹായിക്കുന്നു. ഇതിൽ സിങ്ക്, പൊട്ടാസ്യം, വിറ്റാമിനുകൾ, ഫൈബർ എന്നിവയ്ക്കൊപ്പം വിറ്റാമിൻ എ, ബി, സി, ഇ, കെ എന്നിവയും അടങ്ങിയിട്ടുണ്ട്.
ഗ്രീൻ പീസ് വളരെ പോഷകഗുണമുള്ളതും ഒരാളുടെ ഭക്ഷണത്തിന്റെ ഭാഗമാകേണ്ടതും ആണെന്നതിൽ സംശയമില്ല. ആന്റിഓക്സിഡന്റുകളാൽ സമ്പന്നമായതിനാൽ അവയ്ക്ക് ധാരാളം വിറ്റാമിനുകളും ധാതുക്കളും ഉണ്ട്. പ്രമേഹരോഗികളിൽ രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും നാരുകളുടെ ഉയർന്ന ഉറവിടമായതിനാൽ ദഹനത്തെ സഹായിക്കുന്നു. എന്നാൽ എന്തും അധികമായാൽ ദോഷമാണ്.
ഗ്രീൻ പീസിന് ചില അത്ഭുതകരമായ ആരോഗ്യ ഗുണങ്ങളുണ്ട്. എന്നാൽ, ഗ്രീൻ പീസ് അമിതമായ അളവിൽ കഴിക്കരുത്. ഗ്രീൻ പീസ് അമിതമായി കഴിക്കുന്നത് പാർശ്വഫലങ്ങൾ ഉണ്ടാക്കും.
ഗ്രീൻ പീസ് അമിതമായ അളവിൽ കഴിക്കുന്നത് ചിലരിൽ വയർ വീർക്കാൻ ഇടയാക്കും. ഹാർവാർഡ് സ്കൂൾ ഓഫ് പബ്ലിക് ഹെൽത്ത് നടത്തിയ ഒരു പഠനത്തിൽ അസംസ്കൃത ഗ്രീൻ പീസ് ലെക്റ്റിൻ, ഫൈറ്റിക് തുടങ്ങിയ ചില ആന്റി ന്യൂട്രിയന്റുകൾ അടങ്ങിയിട്ടുണ്ട്. ഇത് ഗ്യാസ്, വായുവിനൊപ്പം വയറു വീർക്കുന്നതിന് കാരണമാകും. ലെക്റ്റിൻ വലിയ അളവിൽ ഇല്ലാത്തതിനാൽ നിങ്ങൾ ഒരു സമയം കഴിക്കുന്ന ഗ്രീൻ പീസിന്റെ അളവ് 1/3 കപ്പായി കുറച്ചാൽ മതിയാകും.
ഗ്രീൻ പീസ് ആവശ്യത്തിന് പോഷകങ്ങൾ നിറഞ്ഞതാണ്. പക്ഷേ അവയ്ക്ക് ചില ആന്റിന്യൂട്രിയന്റുകളും ഉണ്ട്. ഗ്രീൻ പീസ് ഫൈറ്റിക് ആസിഡും ഉണ്ട്. ഇത് ശരീരത്തിൽ ഇരുമ്പ്, കാൽസ്യം, സിങ്ക് എന്നിവയുടെ ആഗിരണം കുറയ്ക്കുന്നു.
ഗ്രീൻ പീസ് ഉയർന്ന അളവിൽ പ്രോട്ടീൻ അടങ്ങിയിട്ടുണ്ട്. ഇത് വലിയ അളവിൽ കഴിച്ചാൽ വൃക്കകളുടെ പ്രവർത്തനത്തെ ബാധിക്കും. സന്ധി വേദനയ്ക്ക് കാരണമാകുന്ന ശരീരത്തിലെ യൂറിക് ആസിഡിന്റെ അളവ് വർദ്ധിപ്പിക്കാനും ഇതിന് കഴിയും. ഗ്രീൻ പീസ് ദിവസവും കഴിക്കുന്നത് ഒഴിവാക്കണം. ഗ്രീൻ പീസ് പാകം ചെയ്യുന്നതിനുമുമ്പ് കുതിർക്കുകയോ മുളപ്പിക്കുകയോ ചെയ്യുന്നത് ഗ്രീൻ പീസ് ലെക്റ്റിൻ അളവ് കുറയ്ക്കാൻ സഹായിക്കും.
