തൃശൂർ: വിവാദ സിനിമ ദ കേരളാ സ്റ്റോറി ഇടുക്കി രൂപത പ്രദർശിപ്പിച്ചതിൽ പ്രതികരണവുമായി ചാണ്ടി ഉമ്മൻ എംഎൽഎ. കേരളാ സ്റ്റോറി പ്രദർശിപ്പിക്കാനുള്ള സ്വാതന്ത്ര്യം സഭയ്ക്ക് ഉണ്ടെന്നും എന്നാൽ, ഏത് സ്വീകരിക്കണമെന്ന് ജനങ്ങൾക്ക് അറിയാമെന്നും ചാണ്ടി ഉമ്മൻ പ്രതികരിച്ചു.
ദൂരദര്ശന് കഴിഞ്ഞ ദിവസം കേരള സ്റ്റോറി സംപ്രക്ഷേണം ചെയ്യുന്നതിനു തൊട്ടുതലേന്നായിരുന്നു ഇടുക്കി രൂപത വിവാദ സിനിമ പ്രദര്ശിപ്പിച്ചത്.
കുട്ടികളുടെ വേദപഠന ക്ലാസുകള് നടക്കുന്ന പള്ളികളില് കൗമാരക്കാരായ കുട്ടികള്ക്കുവേണ്ടിയാണ് ചിത്രം പ്രദര്ശിപ്പിച്ചത്. പ്രണയം എന്ന വിഷയത്തെക്കുറിച്ചുള്ള ക്ലാസിന്റെ ഭാഗമായായിരുന്നു പ്രദര്ശനാണ് വിശദീകരണം . ലൗജിഹാദ് യാഥാര്ത്ഥ്യമാണെന്നും നിലപാടെന്നും രൂപത വാദിക്കുന്നു.
പ്രണയത്തെക്കുറിച്ചുള്ള ബോധവത്കരണത്തിന്റെ ഭാഗമായാണ് കേരളാ സ്റ്റോറി സിനിമ പ്രദര്ശിപ്പിച്ചതെന്നും കേരളത്തിലിപ്പോഴും ലൗ ജിഹാദ് നിലനില്ക്കുന്നുണ്ടെന്നാണ് സഭ നിലപാടെന്നുമാണ് സിനിമ പ്രദർശിപ്പിച്ചതിനെ കുറിച്ച് ഇടുക്കി രൂപത മീഡിയ കമ്മീഷന് വിശദീകരിച്ചത്.
അതേസമയം, ഇടുക്കി രൂപതക്ക് പിന്നാലെ താമരശ്ശേരി രൂപതയിലും സിനിമ പ്രദർശിപ്പിച്ചു. താമരശ്ശേരി രൂപതയ്ക്ക് കീഴിലുള്ള ഇടവകകളിലെ കുടുംബ കൂട്ടായ്മയിലാണ് ചിത്രം പ്രദർശിപ്പിച്ചത്. പരമാവധി പേർ കാണണമെന്നും ചിത്രത്തിന്റെ ലിങ്ക് ഷെയർ ചെയ്യണമെന്നും സഭാ നേതൃത്വം നിർദേശം നൽകുകയും ചെയ്തു.
