തൃശൂർ: വലിയ പ്രതീക്ഷയോടെയാണ് തെരഞ്ഞെടുപ്പിനെ നേരിടുന്നതെന്നും ഫലം വരുമ്പോള് തൃശൂരില് താമര വിരിയുമെന്ന ശുഭപ്രതീക്ഷയുണ്ടെന്നും സുരേഷ് ഗോപി. തൃശൂരിന് ഒരു മാറ്റം സമ്മതിദായകർ സൃഷ്ടിക്കട്ടെയെന്നും മാറ്റം അതിനായുള്ള വേദി ഒരുക്കട്ടെയെന്നും സുരേഷ് ഗോപി പ്രതികരിച്ചു. ഇത്തവണത്തെ വിഷു തൃശൂരിലെ കുടുംബങ്ങള്ക്കൊപ്പമാണെന്നും സുരേഷ് ഗോപി പറഞ്ഞു.
read also: എറണാകുളത്തുനിന്ന് ‘കൊലപാതകം’ എക്സ്പ്രസ്: ട്രെയിനിന്റെ ബോര്ഡ് കണ്ട് ഞെട്ടി യാത്രക്കാര്
‘ഇലക്ഷൻ സീസണാണ് ഇപ്പോള്. വോട്ട് തരണം, ജയിപ്പിക്കണം, ഇത്തവണ അവസരം തരണമെന്നാണ് തൃശൂരിലെ ജനങ്ങളോട് പറയാനുള്ളത്. ജനങ്ങളുടെ ഹൃദയത്തിലിരിക്കുന്ന കാര്യമാണ്. ജൂണ് 4-നെ അവരുടെ ഹൃദയത്തില് ചേക്കേറിയോ ഇല്ലയോ എന്ന് അറിയാൻ സാധിക്കൂ. അവരുടെ ഹൃദയത്തിലേക്ക് ചേക്കേറാൻ കഴിഞ്ഞെന്നാണ് താൻ കരുതുന്നതെന്നും’ സുരേഷ് ഗോപി പറഞ്ഞു.
