എന്‍ഡിഎ പ്രതിനിധി സംഘം രാഷ്ട്രപതിയെ കണ്ട് സര്‍ക്കാര്‍ രൂപീകരിക്കാന്‍ അവകാശവാദം ഉന്നയിച്ചു
ന്യൂഡല്‍ഹി: ദേശീയ ജനാധിപത്യ സഖ്യം (എന്‍ഡിഎ) സര്‍ക്കാര്‍ രൂപീകരിക്കാന്‍ അവകാശവാദം ഉന്നയിച്ചു. നിരവധി യോഗങ്ങള്‍ക്ക് ശേഷം വെള്ളിയാഴ്ച എന്‍ഡിഎ നേതാക്കളുടെ സംഘം പ്രസിഡന്റ് ദ്രൗപദി മുര്‍മുവിനെ കണ്ട് സര്‍ക്കാര്‍ രൂപീകരിക്കാനുള്ള നിര്‍ദ്ദേശം കൈമാറി. അമിത് ഷാ, രാജ്‌നാഥ് സിംഗ്, ജെപി നഡ്ഡ, നിതീഷ് കുമാര്‍, ഏക്‌നാഥ് ഷിന്‍ഡെ എന്നിവരാണ് എന്‍ഡിഎ സര്‍ക്കാര്‍് രൂപീകരിക്കാന്‍ അവകാശവാദം ഉന്നയിച്ചത്. പ്രധാനമന്ത്രി നരേന്ദ്ര മോദി ഇന്ന് വൈകിട്ട് 4.30 ന് പ്രസിഡന്റ് മുര്‍മുവുമായി കൂടിക്കാഴ്ച നടത്തും.
ലോക്‌സഭാ തിരഞ്ഞെടുപ്പ് ഫലത്തില്‍ എന്‍ഡിഎ വിഭാഗം 293 സീറ്റുകള്‍ നേടിയിരുന്നു, ഇത് 272 ഭൂരിപക്ഷത്തിന്റെ മാന്ത്രിക സംഖ്യയേക്കാള്‍ കൂടുതലാണ്. എന്‍.ഡി.എയെ നയിച്ച ഭാരതീയ ജനതാ പാര്‍ട്ടി ഇത്തവണ ഭൂരിപക്ഷ സംഖ്യയേക്കാള്‍ വളരെ പിന്നിലായിരുന്നെങ്കിലും മറ്റ് ചെറുകക്ഷി നേതാക്കളുമായി നീണ്ട കൂടിക്കാഴ്ചകള്‍ നടന്നിരുന്നു. എന്നിരുന്നാലും, വെള്ളിയാഴ്ച ഉച്ചയ്ക്ക് എന്‍ഡിഎ നേതാക്കള്‍ പ്രസിഡന്റ് മുര്‍മുവിനെ സന്ദര്‍ശിച്ച് സര്‍ക്കാര്‍ രൂപീകരിക്കാനുള്ള അവകാശവാദം ഉന്നയിക്കുകയും എല്ലാ ഊഹാപോഹങ്ങള്‍ക്കും വിരാമമിടുകയും ചെയ്തു.
ഇന്ന് നടന്ന പാര്‍ലമെന്ററി പാര്‍ട്ടി യോഗത്തില്‍ നരേന്ദ്ര മോദിയെ എന്‍ഡിഎ പാര്‍ലമെന്ററി പാര്‍ട്ടി നേതാവായി തിരഞ്ഞെടുക്കുകയും ചെയ്തിരുന്നു.