തിരുവനന്തപുരം: വിവാദങ്ങള്ക്കും ചര്ച്ചകള്ക്കുമൊടുവിൽ ഹേമ കമ്മിറ്റി റിപ്പോര്ട്ടിലെ സര്ക്കാര് വെട്ടി നീക്കിയ ഭാഗങ്ങള് പുറത്തുവരുന്നു. നാല് വര്ഷം പുറത്തു വിടാതെ ഇരുന്ന ഹേമ കമ്മറ്റി റിപ്പോര്ട്ടിലെ ചില ഭാഗങ്ങൾ ഒഴിവാക്കി പുറത്തു വന്നതും അതിന്റെ കാലതാമസവും ചൂണ്ടിക്കാട്ടി വലിയ വിമർശനങ്ങൾ ഉയർന്നിരുന്നു. സര്ക്കാര് ഒഴിവാക്കിയ ഭാഗങ്ങള് നാളെ കൈമാറുമെന്ന് വിവരാവകാശ കമ്മീഷൻ അറിയിച്ചു.
read also: റിവോൾവർ റിങ്കോ : കിരൺ നാരായണൻ്റെ പുതിയ ചിത്രത്തിൻ്റെ ടൈറ്റിൽ ലോഞ്ച് നടത്തി
വിവരാവകാശ നിയമ പ്രകാരം വെട്ടിമാറ്റിയ ഭാഗങ്ങള് ഉള്പ്പെടെ നൽകണമെന്നാവശ്യപ്പെട്ട മാധ്യമപ്രവര്ത്തകരുടെ അപ്പീലുകള് പരിഗണിച്ച വിവരാവകാശ കമ്മീഷണറുടോണ് നിര്ണായക തീരുമാനം. അപ്പീൽ നൽകിയ മാധ്യമപ്രവര്ത്തകര്ക്കാണ് ഈ ഭാഗങ്ങള് നൽകുക. വിവരാവകാശ കമ്മീഷ ഒഴിവാക്കാൻ നിര്ദേശിച്ചതിന് അപ്പുറം ചില പാരഗ്രാഫുകള് സര്ക്കാര് സ്വന്തം നിലയിൽ ഒഴിവാക്കിയിരുന്നു. 49 മുതൽ 53വരെയുള്ള പേജുകളായിരുന്നു സര്ക്കാര് സ്വന്തം നിലയിൽ വെട്ടിയത്. ഈ ഭാഗങ്ങളായിരിക്കും നാളെ കൈാറുക.
