കണ്ണൂര്: വിദ്യാർത്ഥികളുമായി പോകുന്നതിനിടയിൽ സ്കൂള് ബസ്നി യന്ത്രണം നഷ്ടപ്പെട്ട് റോഡിലേക്ക് മറിഞ്ഞ് അഞ്ചാം ക്ലാസ് വിദ്യാര്ത്ഥിനി മരിക്കുകയും 18 കുട്ടികള്ക്ക് പരിക്കേൽക്കുകയും ചെയ്ത സംഭവത്തിൽ ഗുരുതര ആരോപണവുമായി ഡ്രൈവര്. സ്കൂള് ബസിന് ഫിറ്റ്നസ് ഉണ്ടായിരുന്നില്ലെന്നും ഡിസംബറിൽ തീര്ന്നതാണെന്നും ഡ്രൈവര് നിസാം ഒരു മാധ്യമത്തോട് പറഞ്ഞു.
അപകടത്തിൽ കാലിന് പരിക്കേറ്റ ഡ്രൈവര് ആശുപത്രിയിൽ ചികിത്സയിലാണ്. നിസാമിന്റെ വാക്കുകൾ ഇങ്ങനെ, ‘പുതുക്കെയായിരുന്നു ഇറക്കം ഇറങ്ങിയിരുന്നത്. സെക്കന്ഡ് ഗിയറില് പതുക്കെ ഇറങ്ങുന്നതിനിടെ ബ്രേക്ക് പോയി. ഇറക്കത്തിലെ വളവിൽ വെച്ചാണ് പെട്ടെന്ന് ബ്രേക്ക് പോയത്. ഹൈ ഗിയറിലിട്ട് വാഹനം പതുക്കെ ആക്കാൻ ശ്രമിച്ചെങ്കിലും നിയന്ത്രണം നഷ്ടമായി. പിന്നെ ഒന്നും ചെയ്യാൻ കഴിഞ്ഞില്ല. മുന്നിൽ ഒരു ഭാഗത്ത് കടയുണ്ടായിരുന്നു. നിയന്ത്രണം വിട്ടതോടെ ബസ് അരികിലേക്ക് നീങ്ങി വലതുവശത്തേക്ക് കുഴിയിലേക്ക് മറിഞ്ഞതോടെ പലതവണ മലക്കം മറിയുകയായിരുന്നു. ഒരു കുട്ടി ബസിൽ നിന്ന് തെറിച്ച് വീണുവെന്ന് പിന്നീടാണ് അറിഞ്ഞത്. കുട്ടി ബസിന് അടിയിൽ കുടുങ്ങിപോയി. അപകടത്തിൽ കാലിന് ഉള്പ്പെടെ പരിക്കേറ്റിട്ടുണ്ട്. ബസിന്റെ ഫിറ്റ്നസ് ഡിസംബര് പുതുക്കാൻ പോയപ്പോള് ആര്ടിഒ മടക്കി അയക്കുകയായിരുന്നു.
ബസിന്റെ ബ്രേക്കിന് ഉള്പ്പെടെ പല പ്രശ്നങ്ങളുണ്ടായിരുന്നു. ഇക്കാര്യം സ്കൂള് അധികൃതരോട് പറഞ്ഞിരുന്നു. പുതുക്കാൻ പോയപ്പോള് തകരാറുകല് ചൂണ്ടികാട്ടിയാണ് ആര്ടിഒ മടക്കി അയച്ചത്. അവധിക്കാലം കഴിഞ്ഞ് പുതിയ ബസ് ഇറക്കുംവരെ ഈ ബസ് ഓടിക്കാമെന്നാണ് സ്കൂള് അധികൃതര് പറഞ്ഞത്.’
കടപ്പാട് : ഏഷ്യാനെറ്റ്
