17
March, 2025

A News 365Times Venture

17
Monday
March, 2025

A News 365Times Venture

തിരുവനന്തപുരം മെഡിക്കല്‍ കോളേജില്‍ സുരക്ഷാവീഴ്ച; പതോളജി ലാബിലേക്കയച്ച ശരീരഭാഗങ്ങളുടെ സാംപിളുകള്‍ മോഷണം പോയി

Date:

തിരുവനന്തപുരം മെഡിക്കല്‍ കോളേജില്‍ സുരക്ഷാവീഴ്ച; പതോളജി ലാബിലേക്കയച്ച ശരീരഭാഗങ്ങളുടെ സാംപിളുകള്‍ മോഷണം പോയി

പേട്ട: തിരുവനന്തപുരം മെഡിക്കല്‍ കോളേജില്‍ ഗുരുതരമായ സുരക്ഷാവീഴ്ച. മെഡിക്കല്‍ കോളേജില്‍ നിന്ന് പതോളജി ലാബിലേക്ക് അയച്ച ശരീരഭാഗങ്ങളുടെ സാംപിളുകള്‍ മോഷണം പോയി. 17 രോഗികളുടെ സാമ്പിളുകളാണ് മോഷണം പോയത്.

സാംപിളുകള്‍ സമീപത്തുണ്ടായിരുന്ന ഒരു ആക്രിവില്‍പ്പനക്കാരന്‍ മോഷ്ടിക്കുകയായിരുന്നു. നിലവില്‍ പൊലീസ് ഇയാളെ കസ്റ്റഡിയിലെടുത്തിട്ടുണ്ട്.

മെഡിക്കല്‍ കോളേജ് പൊലീസാണ് ഇയാളെ കസ്റ്റഡിയിലെടുത്തത്. മോഷ്ടിക്കപ്പെട്ട സാംപിളുകള്‍ ഉപേക്ഷിച്ച നിലയില്‍ കണ്ടെത്തിയിരുന്നു.

ആംബുലന്‍സില്‍ പതോളജി ലാബിലേക്ക് കൊണ്ടുപോയ സാംപിളുകള്‍ ജീവനക്കാര്‍ ലാബ് കെട്ടിടത്തിന്റെ കോണിപ്പടിക്ക് താഴെ വെക്കുകയായിരുന്നു. ഇവിടെ നിന്നാണ് ആക്രിവില്‍പ്പനക്കാരന് സാംപിളുകളുടെ ബോക്‌സ് ലഭിക്കുന്നത്.

തിരിച്ചുവന്ന ജീവനക്കാര്‍ ബോക്‌സ് കാണാത്തതിനെ തുടര്‍ന്ന് നടത്തിയ പരിശോധനയിലാണ് സാംപിളുകള്‍ മോഷണം പോയെന്ന വിവരം സ്ഥിരീകരിക്കുന്നത്. എന്നാല്‍ ആക്രിയാണെന്ന് കരുതിയാണ് താന്‍ സാംപിളുകളുടെ ബോക്‌സ് എടുത്തതെന്നാണ് ആക്രിവില്‍പ്പനക്കാരന്‍ നല്‍കിയ മൊഴി.

തുടര്‍ന്ന് ആശുപത്രിയുടെ പിന്‍ഭാഗത്തുള്ള ഒരു പറമ്പില്‍ നിന്ന് ശരീരഭാഗങ്ങള്‍ ലഭിക്കുകയായിരുന്നു. പിന്നീട് നടന്ന അന്വേഷണത്തിലാണ് ലാബ് കെട്ടിടത്തില്‍ നിന്ന് ആക്രിവില്‍പ്പനക്കാരന്‍ ഇത് മോഷ്ടിച്ചതാണെന്ന് സ്ഥിരീകരിച്ചത്.

സാംപിളുകള്‍ക്ക് മറ്റു കേടുപാടുകള്‍ ഒന്നും തന്നെ സംഭവിച്ചിട്ടില്ല. രാസലായനിയില്‍ പ്രത്യേകമായി സൂക്ഷിച്ചിരുന്നതിനാല്‍ കേടുപാടുകള്‍ സംഭവിച്ചില്ലെന്നാണ് വിവരം. രോഗികള്‍ ആശങ്കപ്പെടേണ്ടതില്ലെന്ന് അധികൃതര്‍ അറിയിച്ചു.

Content Highlight: Security breach at Thiruvananthapuram Medical College; Body samples sent to pathology lab stolen




Source link

LEAVE A REPLY

Please enter your comment!
Please enter your name here

Share post:

Subscribe

Popular

More like this
Related

കേരളത്തില്‍ ഒറ്റപ്പെട്ടയിടങ്ങളില്‍ ഇടിമിന്നലോടുകൂടിയ മഴയ്ക്ക് സാധ്യത

കേരളത്തില്‍ ഒറ്റപ്പെട്ടയിടങ്ങളില്‍ ഇടിമിന്നലോടുകൂടിയ...

മഹാരാഷ്ട്രയിലെ ഔറംഗസേബിന്റെ ശവകുടീരം നീക്കം ചെയ്യണം; തന്ത്രപീഠാധിശ്വര്‍ അനികേത് ശാസ്ത്രി മഹാരാജ്

മുംബൈ: മഹാരാഷ്ട്രയില്‍ ഔറംഗസേബിന്റെ ശവകുടീരം നീക്കം ചെയ്യണമെന്നാവശ്യപ്പെട്ട് ത്രിംബകേശ്വറിലെ തന്ത്രപീഠാധിശ്വര്‍ അനികേത്...