തിരുവനന്തപുരം: മഴ ശക്തമാവുന്ന സാഹചര്യത്തില് സംസ്ഥാനത്തെ മൂന്ന് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വെള്ളിയാഴ്ച ( ജൂലൈ 19) അവധി പ്രഖ്യാപിച്ചു. കണ്ണൂര് ജില്ലയിലെ പ്രൊഫഷണല് കേളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചത്. മുന്കൂട്ടി നിശ്ചയിച്ച പരീക്ഷകള് മാറ്റി വയ്ക്കില്ലെന്ന് ജില്ലാ കളക്ടര് അറിയിച്ചു.
കാസര്കോട് ജില്ലയില് റെഡ് അലര്ട്ട് നിലനില്ക്കുന്ന സാഹചര്യത്തില് വിവിധ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ടെന്ന് ജില്ലാ കളക്ടര് പറഞ്ഞു. മുന്കരുതലിന്റെ ഭാഗമായി അങ്കണവാടികള്, മദ്രസകള്, സ്റ്റേറ്റ്, സിബിഎസ്ഇ, ഐസിഎസ്ഇ സ്കൂളുകള് കേന്ദ്രീയ വിദ്യാലയങ്ങള് തുടങ്ങിയ വിദ്യാഭ്യാസ സ്ഥാപനങ്ങള്ക്കാണ് 19-ാം തീയതി അവധി പ്രഖ്യാപിച്ചിരിക്കുന്നത്.
കോളേജുകള്ക്ക് അവധി ബാധകമല്ലെന്നും മുന്കൂട്ടി നിശ്ചയിച്ച പരീക്ഷകള്ക്ക് മാറ്റമില്ലെന്നും കാസര്കോട് ജില്ലാ കളക്ടര് പറഞ്ഞു.
പാലക്കാട് ജില്ലയിലെ വിദ്യാഭ്യാസ സ്ഥാപനങ്ങള്ക്കും നാളെ ( 19-ാം തീയതി) അവധി പ്രഖ്യാപിച്ചിട്ടുണ്ട്. ജില്ലയില് ശക്തമായ മഴ തുടരുന്ന സാഹചര്യത്തിലാണ് അവധി പ്രഖ്യാപിച്ചതെന്ന് ജില്ലാ കളക്ടര് അറിയിച്ചു.
