സംവരണ ക്വാട്ട 14 ശതമാനമായി ഉയർത്തണമെന്ന ആവശ്യവുമായി രാഷ്ട്രീയ രജ്പുത് കർണി സേന

സാമ്പത്തികമായി പിന്നാക്കം നിൽക്കുന്ന വിഭാഗങ്ങൾക്ക് (ഇഡബ്ല്യുഎസ്) കീഴിലുള്ള സംവരണ ക്വാട്ട നിലവിലുള്ള 10 ൽ നിന്ന് 14 ശതമാനമായി ഉയർത്തണമെന്ന്  ഹിന്ദു ക്ഷത്രിയ സമുദായങ്ങളിൽ ഒന്നായ രജപുത്ര സമുദായം കേന്ദ്രത്തോട് ആവശ്യപ്പെട്ടു. വിദ്യാധർ നഗർ സ്റ്റേഡിയത്തിൽ ശ്രീ രാഷ്ട്രീയ രജ്പുത് കർണി സേന സംഘടിപ്പിച്ച കേസരിയ മഹാപഞ്ചായത്താണ് ഈ ആവശ്യം ഉന്നയിച്ചത്.

“ഇഡബ്ല്യുഎസിനുള്ള ക്വാട്ട 10 ൽ നിന്ന് 14 ശതമാനമായി ഉയർത്തണമെന്നാണ് സേനയുടെ പ്രധാന ആവശ്യം,” പ്രസിഡന്റ് സുഖ്‌ദേവ് സിംഗ് ഗോതമേദി പറഞ്ഞു. സംസ്ഥാനത്തെ അഭിഭാഷകരുടെ മാതൃകയിൽ സന്യാസിമാരുടെ സംരക്ഷണത്തിനും നിയമങ്ങൾ ഉണ്ടാക്കണമെന്നും ക്ഷത്രിയ ജൻ കല്യാൺ ബോർഡ് രൂപീകരിക്കണമെന്ന ആവശ്യവും അദ്ദേഹം ഉന്നയിച്ചു.

നവംബറിൽ, 3:2 ഭൂരിപക്ഷ തീരുമാനത്തിൽ, പട്ടികജാതി (എസ്‌സി), പട്ടികവർഗം (എസ്‌ടി), മറ്റ് പിന്നാക്ക വിഭാഗങ്ങൾ (ഒബിസി) എന്നിവരിലെ ദരിദ്രരെ ഒഴിവാക്കുന്ന അഡ്മിഷനുകളിലും സർക്കാർ ജോലികളിലും ഇഡബ്ല്യുഎസിനുള്ള 10 ശതമാനം സംവരണം സുപ്രീം കോടതി ശരിവെച്ചിരുന്നു.