ന്യൂഡല്ഹി: 2024ലെ റിപ്പബ്ലിക് ദിനപരേഡിലും കേരളത്തിന്റെ നിശ്ചല ദൃശ്യത്തിന് അനുമതി ലഭിച്ചില്ല. വികസിത ഭാരത്, ഇന്ത്യ ജനാധിപത്യത്തിന്റെ മാതാവ് എന്നീ രണ്ട് വിഷയത്തില് ആണ് കേരളത്തോട് നിശ്ചല ദൃശ്യ മാതൃക നല്കാന് നിര്ദ്ദേശിച്ചിരുന്നത്. 10 മാതൃകകള് കേരളം നല്കിയിരുന്നു. എന്നാല് ഇവയൊന്നും അംഗീകരിക്കപ്പെട്ടില്ല. റിപ്പബ്ലിക് ദിന പരേഡില് അവതരിപ്പിക്കാന് കഴിയാത്ത സംസ്ഥാനങ്ങള്ക്ക് നിശ്ചലദൃശ്യം ഭാരത് പര്വില് അവതരിപ്പിക്കാം എന്ന് പ്രതിരോധ മന്ത്രാലയം കേരളത്തെ അറിയിച്ചു. എന്നാല് ഇക്കാര്യത്തില് കേരളം തീരുമാനമെടുത്തിട്ടില്ല.
