തിരഞ്ഞെടുപ്പുമായി ബന്ധപ്പെട്ട് സോഷ്യൽ മീഡിയ ഉപയോഗിക്കുന്നവർക്ക് മുന്നറിയിപ്പ്. സാമൂഹിക മാധ്യമങ്ങളിലൂടെ വ്യാജ വാര്ത്തകള് പ്രചരിപ്പിക്കുന്നവര്ക്കെതിരെ കര്ശന നടപടി ഉണ്ടാകുമെന്ന് തിരഞ്ഞെടുപ്പ് ഓഫീസർ മുന്നറിയിപ്പ് നൽകി. വ്യാജ വാര്ത്തകള്, പെരുമാറ്റച്ചട്ടത്തിന് വിരുദ്ധമായ വാര്ത്തകള്, പെയ്ഡ് ന്യൂസ് എന്നിവ കണ്ടെത്തിയാല് നിയമാനുസൃതമായ നടപടികള് സ്വീകരിക്കും. മുഖ്യ തിരഞ്ഞെടുപ്പ് ഓഫീസര് സഞ്ജയ് കൗള് ആണ് ഇക്കാര്യം വ്യക്തമാക്കിയത്.
തിരഞ്ഞെടുപ്പ് പ്രക്രിയയുടെ വിശ്വാസ്യതയെ തകര്ക്കുന്ന തരത്തിലുള്ള വ്യാജ പ്രചാരണങ്ങള്ക്കെതിരെ ജാഗ്രത പാലിക്കണമെന്നും തിരഞ്ഞെടുപ്പ് ഓഫീസര് അറിയിച്ചു. രാഷ്ട്രീയ പാര്ട്ടികളും സ്ഥാനാര്ത്ഥികളും പ്രചാരണത്തിന് ഉപയോഗിക്കുന്ന ദൃശ്യ-ശ്രവ്യ പരസ്യങ്ങള്ക്ക് മീഡിയ സര്ട്ടിഫിക്കേഷന് ആൻ്റ് മോണിറ്ററിംഗ് കമ്മിറ്റിയുടെ അംഗീകാരം ആവശ്യമാണ്. ഈ അംഗീകാരം ഇല്ലാതെ പരസ്യങ്ങള് പ്രചരിപ്പിക്കുന്നതിനെതിരെ നടപടി സ്വീകരിക്കും.
സ്ഥാനാര്ത്ഥികള്ക്ക് മണ്ഡലങ്ങളില്ഡ പ്രചരിപ്പിക്കുന്നതിനുള്ള പരസ്യങ്ങള്ക്ക് കളക്ടറുടെ കീഴിലുള്ള ജില്ലാതല മീഡിയ സര്ട്ടിഫിക്കേഷന് ആൻ്റ് മോണിറ്ററിംഗ് കമ്മിറ്റിയുടെ അംഗീകാരം ആവശ്യമാണെന്നും തിരഞ്ഞെടുപ്പ് ഓഫീസര് അറിയിച്ചു. പോളിംഗ് ദിവസവും അതിന് തൊട്ടുമുമ്പുള്ള ദിവസവും അച്ചടി മാധ്യമങ്ങളില് രാഷ്ട്രീയ പാര്ട്ടികളും സ്ഥാനാര്ത്ഥികളും നല്കുന്ന പരസ്യങ്ങള്ക്കും മീഡിയ സര്ട്ടിഫിക്കേഷന് കമ്മിറ്റിയുടെ അംഗീകാരം ആവശ്യമാണെന്നും മുഖ്യ തിരഞ്ഞെടുപ്പ് ഓഫീസര് പറഞ്ഞു.
