വിഖ്യാതമായ ലോകകപ്പ് മത്സരത്തിന് ശേഷം മുൻ ഇന്ത്യൻ ക്യാപ്റ്റൻ വിരാട് കോലി പാകിസ്ഥാൻ ക്യാപ്റ്റൻ ബാബർ അസമുമായി സൌഹൃദം പങ്കിടുന്ന നിമിഷം ഏറെ ഹൃദ്യമായിരുന്നു. ശനിയാഴ്ച അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ഇന്ത്യയ്ക്കെതിരെ ആദ്യ ലോകകപ്പ് വിജയം പ്രതീക്ഷിച്ചെത്തി പാകിസ്ഥാന് ഒരിക്കൽകൂടി അടിതെറ്റിയിരുന്നു. ഇതിന് പിന്നാലെയാണ് സൂപ്പർതാരങ്ങൾ ഊഷ്മളസൌഹൃദം പങ്കുവെച്ചത്. മത്സരശേഷം വിരാട് കോഹ്ലി പാക് നായകന് ഒപ്പിട്ട രണ്ട് ഇന്ത്യൻ ജേഴ്സികൾ നൽകിയിരുന്നു. ഇതിനെ വിമർശിച്ച് രംഗത്തെത്തിയിരിക്കുകയാണ് മുൻ പാക് നായകൻ വാസിം അക്രം.
ഇന്ത്യയ്ക്കെതിരെ ഏഴ് വിക്കറ്റിന് തോറ്റ ശേഷം, പരസ്യമായി ബാബർ കോഹ്ലിയിൽ നിന്ന് ഇന്ത്യയുടെ ജേഴ്സി എടുത്തത് ശരിയായ കാര്യമല്ലെന്ന് ഇതിഹാസ പാക് പേസർ വസീം അക്രം പറഞ്ഞു. വേണമെങ്കിൽ ഡ്രസിങ് റൂമിൽവെച്ച് കോഹ്ലിയിൽനിന്ന് ബാബറിന് സമ്മാനം സ്വീകരിക്കാമായിരുന്നുവെന്ന് വസീം അഭിപ്രായപ്പെട്ടു.പാകിസ്ഥാൻ ടിവി ഷോയായ ദി പവലിയന്റെ ഒരു സെഗ്മെന്റിനിടെ, അവതാരക ഫഖ്ർ-ഇ-ആലമിന്റെ ചോദ്യത്തിന് മറുപടിയായാണ് അക്രം ഇത് പറഞ്ഞത്.
“വിരാട് കോഹ്ലിയിൽ നിന്ന് ബാബർ രണ്ട് ഷർട്ടുകൾ സ്വീകരിക്കുന്നത് കണ്ടു. എല്ലാവരും ഈ ക്ലിപ്പ് വീണ്ടും വീണ്ടും കാണിക്കുന്നു. എന്നാൽ നിരാശാജനകമായ പ്രകടനത്തിന് ശേഷം നിങ്ങളുടെ ആരാധകർ വളരെ വേദനിച്ചിരിക്കുമ്പോൾ അത് വേണ്ടായിരുന്നു, ഇത് ഒരു സ്വകാര്യ കാര്യമായിരിക്കണം, ഇത് മറ്റുള്ളവർ കാണെ തുറന്ന മൈതാനത്ത് വെച്ച് ചെയ്യരുതായിരുന്നു,” ആരാധകൻ എഴുതി.
Also See- അമ്പമ്പോ! പാകിസ്ഥാനെതിരായ വിജയം ആഘോഷിക്കാൻ ടീം ഇന്ത്യയ്ക്കായി തയ്യാറാക്കിയ കേക്ക് കണ്ടോ?
വസീം അക്രമം ഇത് സമ്മതിക്കുകയും പ്രസ്താവിക്കുകയും ചെയ്തു: “ചിത്രം കണ്ടപ്പോൾ ഞാൻ കൃത്യമായി പറഞ്ഞത് അതാണ് ഷർട്ടുകൾ പരസ്യമായി വാങ്ങുന്നത് ശരിയായില്ല. ഇന്ന് ഇത് ചെയ്യാനുള്ള ദിവസമായിരുന്നില്ല. നിങ്ങൾക്ക് അത് ചെയ്യണമെങ്കിൽ ഡ്രസ്സിംഗ് റൂമിലെ കളി കഴിഞ്ഞ് അത് ചെയ്യുക. അമ്മാവന്റെ മകൻ ആവശ്യപ്പെട്ടതുപ്രകാരമാണ് ബാബർ കോഹ്ലിയുടെ ജഴ്സി സമ്മാനമായി സ്വീകരിച്ചതെന്നാണ് സൂചന.
ഏകദിന ലോകകപ്പിൽ പാക്കിസ്ഥാനെതിരെ ഇന്ത്യ തുടർച്ചയായ എട്ടാം മത്സരത്തിലാണ് വിജയിക്കുന്നത്. നേരത്തെ ഓസ്ട്രേലിയയെയും അഫ്ഗാനിസ്ഥാനെയും തോൽപ്പിച്ച ഇന്ത്യ, പാകിസ്ഥാനെതിരായ വിജയത്തോടെ പോയന്റ് പട്ടികയിൽ ഒന്നാമതെത്തി. ഒക്ടോബർ 19 വ്യാഴാഴ്ച പൂനെയിൽ ബംഗ്ലാദേശിനെതിരെയാണ് ഇന്ത്യയുടെ അടുത്ത മത്സരം. അതേസമയം, ടൂർണമെന്റിൽ ആദ്യ തോൽവി ഏറ്റുവാങ്ങിയ ‘പാകിസ്ഥാൻ’ ഒക്ടോബർ 20 വെള്ളിയാഴ്ച ബെംഗളൂരുവിൽ ഓസ്ട്രേലിയയ്ക്കെതിരെ കളിക്കും.
