പ്യോങ്യാങ് : സൈനിക മേധാവിയെ പുറത്താക്കി ഉത്തര കൊറിയന് ഭരണാധികാരി കിം ജോങ് ഉന്. കൂടുതല് യുദ്ധസന്നാഹങ്ങള് ഒരുക്കാനുള്ള നടപടിയുടെ ഭാഗമായാണ് സൈനിക മേധാവിയെ പുറത്താക്കിയത്. ജനറല് പാക് സു ഇല്ലിനെയാണ് സ്ഥാനത്ത് നിന്ന് മാറ്റിയത്. റി യോങ് ജില് ആണ് പുതിയ സൈനിക മേധാവി. നിലവില് ഇദ്ദേഹം രാജ്യത്തിന്റെ പ്രതിരോധ മന്ത്രിയാണ്.
യുദ്ധത്തിന് വേണ്ടിയുള്ള തയ്യാറെടുപ്പു വേഗത്തിലാക്കാനും ആയുധ നിര്മ്മാണം വര്ധിപ്പിക്കാനും സൈനിക അഭ്യാസങ്ങള് വിപുലീകരിക്കാനും കിം നിര്ദേശം നല്കിയതായി ഉത്തര കൊറിയന് വാര്ത്താ ഏജന്സിയായ കെസിഎന്എ റിപ്പോര്ട്ട് ചെയ്തു. സെന്ട്രല് മിലിറ്ററി കമ്മീഷന് യോഗത്തില് സംസാരിക്കവെയാണ് കിം നിര്ദ്ദേശം
നല്കിയത്.
അതേസമയം, പാക് സു ഇല്ലിനെ പൊതുവേദികളില് കാണുന്നില്ലെന്നും അദ്ദേഹത്തെ വധശിക്ഷയ്ക്ക് വിധേയനാക്കി എന്നും ദക്ഷിണ കൊറിയന് മാധ്യമങ്ങള് റിപ്പോര്ട്ട് ചെയ്തു.
