ന്യൂയോര്ക്ക്: പ്രശസ്ത ഹോളിവുഡ് താരം ജോണി വാക്ടര് മോഷ്ടാക്കളുടെ വെടിയേറ്റുമരിച്ചു. 37 വയസ്സായിരുന്നു. ശനിയാഴ്ച ലോസ് ഏഞ്ചലിസിലാണ് സംഭവം നടന്നത്. ‘ജനറല് ഹോസ്പിറ്റല്’ എന്ന പരമ്പരയിലെ ബ്രാന്ഡോ കോര്ബിന് എന്ന കഥാപാത്രത്തെ അവതരിപ്പിച്ച് ശ്രദ്ധേയനായ നടനാണ് വാക്ടര്. കഴിഞ്ഞ ശനിയാഴ്ച പ്രാദേശിക സമയം പുലര്ച്ചെ മൂന്നുമണിയോടെയാണ് സംഭവം നടന്നതെന്ന് ജോണി വാക്ടറുടെ അമ്മ സ്കാര്ലെറ്റ് പ്രതികരിച്ചു. മൂന്നു പേരാണ് അക്രമി സംഘത്തില് ഉണ്ടായിരുന്നതെന്ന് പൊലീസ് അറിയിച്ചു.
അതേസമയം സംഭവത്തിന് പിന്നിലുള്ളവരെ ഇതുവരെ പിടികൂടാനായിട്ടില്ല. പ്രതികളുമായി ബന്ധപ്പെട്ട് യാതൊരു വിവരവും പൊലീസ് നല്കിയിട്ടില്ലെന്ന് നടന്റെ മാതാവ് സ്കാര്ലെറ്റ് പ്രതികരിച്ചു. വാക്ടറുടെ മരണം അദ്ദേഹത്തിന്റെ ഏജന്റ് ഡേവിഡ് ഷൗളാണ് സ്ഥിരീകരിച്ചത്.
