ന്യൂഡല്ഹി: സുരക്ഷാസേനയുമായുണ്ടായ ഏറ്റുമുട്ടലില് അഞ്ച് മാവോയിസ്റ്റുകൾ കൊല്ലപ്പെട്ടു. ഛത്തീസ്ഗഡിലെ നാരായണ്പൂരിലാണ് ഏറ്റുമുട്ടലുണ്ടായത്. നക്സല് വിരുദ്ധ ഓപ്പറേഷന്റെ ഭാഗമായി നടത്തിയ തിരച്ചിലിനിടെയാണ് വെടിവയ്പുണ്ടായത്.
കൊഹ്കമേട്ട പൊലീസ് സ്റ്റേഷൻ പരിധിയിലുള്ള വനത്തില് വിവിധ സുരക്ഷാ സേനകളില് നിന്നുള്ള സംയുക്ത സംഘമാണ് തിരച്ചിൽ നടത്തിയത്. ഈ വർഷം ഇതുവരെ നടന്ന ഏറ്റുമുട്ടലില് 138 മാവോയിസ്റ്റുകള് കൊല്ലപ്പെട്ടതായി പൊലീസ് അറിയിച്ചു.
read also: അബ്ദുള് റഹീമിന്റെ വധശിക്ഷ റദ്ദാക്കി: 34 കോടി രൂപ ദയാധനം സൗദി ബാലന്റെ കുടുംബത്തിന് കൈമാറി
ജൂണ് 15ന് നാരായണ്പൂർ, കാങ്കർ, ദന്തേവാഡ, കൊണ്ടഗാവ് എന്നീ നാല് ജില്ലകളില് നക്സല് വിരുദ്ധ ഓപ്പറേഷന്റെ ഭാഗമായി ഉണ്ടായ ഏറ്റുമുട്ടലില് എട്ട് മാവോയിസ്റ്റുകള് കൊല്ലപ്പെട്ടു.
