ന്യൂഡല്ഹി : പ്രധാനമന്ത്രി നരേന്ദ്ര മോദിയുടെ റഷ്യന് സന്ദര്ശന വേളയില്, ഫ്ളോട്ടിംഗ് ആണവ നിലയങ്ങള് സുപ്രധാന ചര്ച്ചയാകുമെന്ന് സൂചന . ഇത് ഇന്ത്യ-റഷ്യ ആണവ സഹകരണത്തിന് പുതിയ തലം നല്കുമെന്നും സുസ്ഥിര ഊര്ജ്ജപരിഹാരങ്ങളിലേക്കുള്ള നൂതനമായ പദ്ധതിയാകുമെന്നുമാണ് റിപ്പോര്ട്ട്.
റഷ്യന് പ്രസിഡന്റ് വ്ളാഡിമിര് പുടിന്, റോസാറ്റം ഡയറക്ടര് ജനറല് അലക്സി ലിഖാചേവ് എന്നിവരുമായി ഇക്കാര്യം പ്രധാനമന്ത്രി ചര്ച്ച ചെയ്യും . സാധാരണയായി കപ്പലുകളിലോ ബാര്ജുകളിലോ ആണവ റിയാക്ടറുകള് നിര്മ്മിക്കുന്നത് ഉള്പ്പെടുന്ന സവിശേഷ ആശയമാണ് ഫ്ളോട്ടിംഗ് ന്യൂക്ലിയര് പവര് പ്ലാന്റുകള്. വിദൂര പ്രദേശങ്ങളില് ഉപയോഗിക്കാനുള്ള സാധ്യത, വിശാലമായ കര അടിസ്ഥാന സൗകര്യങ്ങളുടെ ആവശ്യമില്ലാതെ തീരപ്രദേശങ്ങളില് വൈദ്യുതി നല്കാനുള്ള കഴിവ് എന്നിവ ഉള്പ്പെടെ നിരവധി ഗുണങ്ങള് ഫ്ളോട്ടിംഗ് ന്യൂക്ലിയര് പവര് പ്ലാന്റുകള് വാഗ്ദാനം ചെയ്യുന്നു.
റഷ്യയുടെ ആണവ കോര്പ്പറേഷനായ ചെറുതും ഇടത്തരവുമായ റിയാക്ടറുകള്ക്കൊപ്പം ഇന്ത്യയുമായി ചേര്ന്ന് ഒരു ഫ്ളോട്ടിംഗ് ആണവ നിലയം സംയുക്തമായി വികസിപ്പിക്കാന് താല്പ്പര്യം പ്രകടിപ്പിച്ചിട്ടുണ്ട് . റഷ്യ രൂപകല്പന ചെയ്ത നാല് റിയാക്ടറുകള് പ്രവര്ത്തിപ്പിക്കുന്ന ഇന്ത്യയുടെ കൂടംകുളം ആണവനിലയത്തിന്റെ പ്രധാന ഉപകരണ വിതരണക്കാരാണ് റോസാറ്റം.
