ഗാന്ധിനഗർ: ഒൻപതുമാസം മുൻപ് ഗുണ്ടാനേതാവിനൊപ്പം ഒളിച്ചോടിയ യുവതി വീട്ടില് തിരിച്ചെത്തിയതിന് പിന്നാലെ ജീവനൊടുക്കി. ഗുജറാത്തിലെ വൈദ്യുതി റെഗുലേറ്ററി കമ്മിഷൻ സെക്രട്ടറിയും ഐ.എ.എസ്. ഉദ്യോഗസ്ഥനുമായ രണ്ജീത് കുമാറിന്റെ ഭാര്യ സൂര്യ ജയ്(45) ആണ് മരിച്ചത്. ശനിയാഴ്ച വിഷംകഴിച്ച് ആത്മഹത്യയ്ക്ക് ശ്രമിച്ച യുവതി ആശുപത്രിയിൽ ചികിത്സയിലിരിക്കെ ഞായറാഴ്ച മരിക്കുകയായിരുന്നു.
ഐ.എ.എസ്. ഉദ്യോഗസ്ഥനായ രണ്ജീത് കുമാറിന്റെ ഗാന്ധിനഗർ സെക്ടർ 19-ലെ വീട്ടില്വെച്ചാണ് സൂര്യ ആത്മഹത്യയ്ക്ക് ശ്രമിച്ചത്. ഒളിച്ചോടിയ സൂര്യ തിരികെ ഭർത്താവിനൊപ്പം താമസിക്കാനെത്തിയപ്പോള് ഇവരെ വീട്ടില് പ്രവേശിക്കാൻ അനുവദിച്ചിരുന്നില്ല. ഇതോടെയാണ് യുവതി വിഷംകഴിച്ച് ജീവനൊടുക്കിയതെന്നാണ് പോലീസ് പറയുന്നു.
read also: പൂഞ്ചില് ഭീകരരുമായി ഉണ്ടായ ഏറ്റുമുട്ടലില് ജവാന് വീരമൃത്യു, നിരവധി ഭീകരരെ വധിച്ചു
ഒൻപതുമാസം മുൻപാണ് ആണ്സുഹൃത്തും ഗുണ്ടാനേതാവുമായ മഹാരാജ ഹൈക്കോർട്ട് എന്നയാള്ക്കൊപ്പം സൂര്യ ഒളിച്ചോടിയത്. ഇതിനുപിന്നാലെ മധുരയില്നിന്ന് 14 വയസ്സുള്ള കുട്ടിയെ തട്ടിക്കൊണ്ടുപോയ കേസില് മഹാരാജയും സൂര്യയും ഇവരുടെ കൂട്ടാളി സെന്തില്കുമാറും പ്രതികളായി. കേസില് തമിഴ്നാട് പോലീസ് പിടികൂടുമെന്ന് ഭയന്ന് അറസ്റ്റ് ഒഴിവാക്കാനായാണ് ശനിയാഴ്ച സൂര്യ ഭർത്താവായ ഐ.എ.എസ്. ഉദ്യോഗസ്ഥന്റെ വീട്ടിലെത്തിയത്. എന്നാല്, സൂര്യയെ ഒരിക്കലും വീട്ടില് കയറ്റരുതെന്ന് രണ്ജീത് കുമാർ വീട്ടുജോലിക്കാർക്ക് നിർദേശം നല്കി. തുടർന്ന് യുവതി വിഷംകഴിച്ച് ജീവനൊടുക്കാൻ ശ്രമിച്ചെന്നാണ് പോലീസ് നല്കുന്ന വിശദീകരണം.
അതേസമയം, 2023 മുതല് രണ്ജീത് കുമാറും സൂര്യയും പിരിഞ്ഞ് താമസിക്കുകയാണെന്നും ഇവരുടെ വിവാഹമോചന നടപടികള് നടന്നുവരികയാണെന്നും ഐ.എ.എസ്. ഉദ്യോഗസ്ഥന്റെ അഭിഭാഷകൻ മാധ്യമങ്ങളോട് പറഞ്ഞു.
