കൊല്ലം: യുവ എഴുത്തുകാരിക്ക് നേരെ ലൈംഗിക അതിക്രമം നടത്തിയ സംഭവത്തിൽ സംവിധായകന് വി കെ പ്രകാശ് അറസ്റ്റില്. രണ്ട് ദിവസം നീണ്ട ചോദ്യം ചെയ്യലിന് ശേഷം കൊല്ലം പള്ളിത്തോട്ടം പൊലീസാണ് അറസ്റ്റ് രേഖപ്പെടുത്തിയത്. തുടര്ന്ന് ജാമ്യത്തില് വിട്ടയച്ചു.
കഴിഞ്ഞ രണ്ട് ദിവസമായി വികെ പ്രകാശിനെ ചോദ്യം ചെയ്തു വരികയായിരുന്നു എന്ന് പൊലീസ് ഉദ്യോഗസ്ഥന് വ്യക്തമാക്കി. സംവിധായകന് ഹൈക്കോടതി ഉത്തരവിന്റെ അടിസ്ഥാനത്തിലാണ് ജാമ്യം അനുവദിച്ചത്.
read also: തിരുപ്പതി ലഡ്ഡു ഉണ്ടാക്കുന്ന നെയ്യിൽ പോത്തിന്റെയും പന്നിയുടെയും കൊഴുപ്പും മീൻഎണ്ണയും: സ്ഥിരീകരിച്ച് ലാബ് റിപ്പോര്ട്ട്
2022 ഏപ്രിലില് കൊല്ലത്തേക്ക് വിളിച്ചുവരുത്തി അതിക്രമം കാണിച്ചെന്നാണു യുവ കഥകാരിയുടെ ആരോപണം. കഥയുടെ ത്രെഡ് അയച്ചപ്പോള് ഇഷ്ടമായെന്നും കൊല്ലത്തേക്കു വരണമെന്നും ആവശ്യപ്പെട്ടു. കഥ പറഞ്ഞു തുടങ്ങി കുറച്ചു സമയം കഴിഞ്ഞപ്പോള് നിര്ത്തിവയ്ക്കാന് പറഞ്ഞുവെന്നും മദ്യം ഓഫര് ചെയ്തുവെന്നും പറഞ്ഞ കഥാകാരി ഇന്റിമേറ്റായും വള്ഗറായിട്ടും അഭിനയിക്കേണ്ട സീന് തന്ന ശേഷം അഭിനയിച്ചു കാണിക്കാന് ആവശ്യപ്പെട്ടുവെന്നും ആരോപിച്ചു.
അഭിനയത്തോടു താല്പര്യമില്ലെന്നു പറഞ്ഞ തന്നെ കഥ കേള്ക്കാതെ ചുംബിക്കാനും കിടക്കയിലേക്കു തള്ളിയിടാനും ശ്രമിച്ചുവെന്നും പരാതിപ്പെടാതിരിക്കാന് ഡ്രൈവറുടെ അക്കൗണ്ടില്നിന്നു പതിനായിരം രൂപ തനിക്കയച്ചെന്നും യുവതി വെളിപ്പെടുത്തിയിരുന്നു.
