പുതുവർഷം മുതൽ നിർമ്മാണ കമ്പനികൾ വാഹനങ്ങളുടെ വില വർദ്ധിപ്പിക്കാനിരിക്കെ ഉപഭോക്താക്കളെ ആകർഷിക്കാൻ ഗംഭീര കഴിവുകളുമായി വാഹന ഡീലർമാർ എത്തുന്നു. അസംസ്കൃത സാധനങ്ങളുടെ വിലക്കയറ്റം കണക്കിലെടുത്ത് കാറുകളുടെ വില 2 ശതമാനം മുതൽ 3 ശതമാനം വരെ ഉയർത്താനാണ് വാഹന നിർമ്മാതാക്കളുടെ തീരുമാനം. ജനുവരി മുതൽ മുൻനിര കമ്പനികളായ മാരുതി സുസുക്കി, ടാറ്റ മോട്ടേഴ്സ്, ഹ്യുണ്ടായി, ഓഡി തുടങ്ങിയ കമ്പനികൾ കാറുകളുടെ വില വർദ്ധിപ്പിക്കുന്നതാണ്. ഇതോടെ, പുതുവർഷത്തിൽ കാറുകളുടെ വിൽപ്പന കുത്തനെ ഉയരുമെന്ന ആശങ്കയിലാണ് ഡീലർമാർ.
കമ്പനികൾ വില വർദ്ധിപ്പിക്കുന്നതോടെ കാറുകൾ വാങ്ങുന്നവരുടെ എണ്ണം ക്രമാതീതമായി കുറയാൻ സാധ്യതയുണ്ട്. ഈ സാഹചര്യത്തിൽ വില വർദ്ധനവ് നേരിടാൻ ഉപഭോക്താക്കൾക്ക് വലിയ തോതിലുള്ള ആനുകൂല്യങ്ങളും ഇളവുകളും നൽകി വിൽപ്പനയിലെ മാന്ദ്യം നേരിടാനാണ് പ്രമുഖ ഡീലർമാരുടെ പദ്ധതി. അതേസമയം, സാമ്പത്തിക മേഖല മികച്ച വളർച്ചയിലൂടെ നീങ്ങുകയാണെങ്കിലും, അവശ്യസാധനങ്ങളുടെ വിലക്കയറ്റം മൂലം ഉപഭോഗശേഷി കുറയുകയാണെന്ന് അനലിസ്റ്റുകൾ വ്യക്തമാക്കി. ഇതോടൊപ്പം ബാങ്ക് വായ്പകളുടെ പലിശ നിരക്കിൽ ഉണ്ടായ വൻ വർദ്ധനവും അധിക ബാധ്യതയാണ് സൃഷ്ടിക്കുന്നത്. ഈ സാഹചര്യത്തിൽ ആകർഷകമായ കിഴിവുകൾ ഒരുക്കാനാണ് ഡീലർമാരുടെ പദ്ധതി.
