വിവാഹ ചടങ്ങിനിടെ വരൻ വേദിയിൽ വച്ച് കുഴഞ്ഞു വീണ് മരിച്ചു. ഇസ്ലാമാബാദിലെ മഖ്ദൂം റഷീദ് ആണ് മരിച്ചത്. സിയാൽകോട്ടിലെ ദാസ്കയിലാണ് ദാരുണസംഭവം. ഹൃദയാഘാതമാണ് മരണകാരണമെന്ന് പൊലീസ് അറിയിച്ചു.
വീഡിയോയിൽ, വരൻ ഒരു സോഫയിൽ ഇരിക്കുന്നത് കാണാം . ഒപ്പം എല്ലാ കുടുംബാംഗങ്ങളും ഇരിക്കുന്നുണ്ട് . നിക്കാഹിനിടെ വരന്റെ ആരോഗ്യനില വഷളായി പെട്ടെന്ന് മുന്നോട്ട് കുനിഞ്ഞ് വീഴുകയായിരുന്നു .
പെൺകുട്ടിയുടെ വീട്ടുകാരും , വരന്റെ കുടുംബാംഗങ്ങളും ഭയന്ന് നിൽക്കുന്നതും വീഡിയോയിൽ കാണാം. സംഭവസ്ഥലത്ത് വെച്ച് തന്നെ ഡോക്ടർമാർ എത്തി മരണം സ്ഥിരീകരിച്ചു.
