ട്രംപിനെ വധിക്കാന്‍ ഇറാന്‍ ഗൂഢാലോചന നടത്തി: ഞെട്ടിക്കുന്ന റിപ്പോര്‍ട്ട് പുറത്ത്
വാഷിങ്ടണ്‍: അമേരിക്കന്‍ മുന്‍ പ്രസിഡന്റും റിപ്പബ്ലിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ത്ഥിയുമായ ഡോണള്‍ഡ് ട്രംപിനെ വധിക്കാന്‍ ഇറാന്‍ ഗൂഢാലോചന നടത്തിയെന്ന് റിപ്പോര്‍ട്ട്. ഇറാന്റെ ഭീഷണിയെക്കുറിച്ച് യു എസ് രഹസ്യാന്വേഷണ വിഭാഗത്തെ അറിയിക്കുകയും സുരക്ഷ വര്‍ധിപ്പിക്കുകയും ചെയ്തതായി യു എസ് ദേശീയ സുരക്ഷാ വിഭാഗം വ്യക്തമാക്കി.
ഡ്രോണുകള്‍, റോബോട്ടിക് നായ്ക്കള്‍ എന്നിവ ഉള്‍പ്പെടുത്തി അധിക സുരക്ഷയാണ് ഇക്കാലയളവില്‍ ട്രംപിനായി ഏര്‍പ്പെടുത്തിയിരുന്നത്. അതിനിടയിലാണ് ശനിയാഴ്ച റിപ്പബ്ലിക്കന്‍ പാര്‍ട്ടിയുടെ പരിപാടിക്കിടെ ട്രംപിന് നേരെ വധശ്രമമുണ്ടായത്.
എന്നാല്‍ ട്രംപിന് നേരെ വെടിവെയ്പ് നടത്തിയ തോമസ് മാത്യു ക്രൂക്‌സിന് ഇറാന്‍ ബന്ധമുള്ളതായി ഇതുവരെ സ്ഥിരീകരിച്ചിട്ടില്ല.