സംസ്ഥാനത്ത് ഇന്ന് സ്വർണവില കുറഞ്ഞു. ഒരു പവൻ സ്വർണത്തിന് 320 രൂപയും, ഗ്രാമിന് 40 രൂപയുമാണ് ഇന്ന് ഒറ്റയടിക്ക് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 46,480 രൂപയായി. ഗ്രാമിന് 40 രൂപ കുറഞ്ഞ്, 5,810 രൂപ നിരക്കിലാണ് ഇന്ന് വ്യാപാരം നടത്തുന്നത്. തുടർച്ചയായ രണ്ടാം ദിനമാണ് സ്വർണവിലയിൽ ഇടിവ് രേഖപ്പെടുത്തുന്നത്. ഇന്നലെ ഒരു പവന് 200 രൂപയും, ഗ്രാമിന് 25 രൂപയുമാണ് കുറഞ്ഞത്.
അന്താരാഷ്ട്ര സ്വർണവില ഇടിവിലാണ് വ്യാപാരം നടത്തുന്നത്. ട്രോയ് ഔൺസിന് 15.17 ഡോളർ താഴ്ന്ന് 2044.44 ഡോളർ എന്നതാണ് വില നിലവാരം. നിലവിൽ, ലാഭമെടുപ്പ് നടക്കുന്നതാണ് ആഗോളതലത്തിൽ സ്വർണവില കുറയാനുള്ള കാരണം. അതേസമയം, വരും ദിവസങ്ങളിൽ സ്വർണവില ഉയർന്നേക്കുമെന്നാണ് വിദഗ്ധരുടെ വിലയിരുത്തൽ. ഈ വർഷം അവസാനത്തോടെ സ്വർണവില പുതിയ ഉയരങ്ങൾ കീഴടക്കുമെന്ന് ബാങ്ക് ഓഫ് അമേരിക്കയടക്കം റിപ്പോർട്ട് ചെയ്തിരുന്നു.
സംസ്ഥാനത്ത് ഇന്ന് വെള്ളി വിലയിലും ഇടിവ് രേഖപ്പെടുത്തിയിട്ടുണ്ട്. ഒരു ഗ്രാം വെള്ളിക്ക് 80 രൂപയാണ് വില നിലവാരം. 8 ഗ്രാമിന് 640 രൂപ, 10 ഗ്രാമിന് 800 രൂപ, 100 ഗ്രാമിന് 8000 രൂപ എന്നിങ്ങനെയാണ് നിരക്കുകൾ. ഇന്ന് ഒരു കിലോ വെള്ളിക്ക് 300 രൂപ വരെ കുറഞ്ഞിട്ടുണ്ട്.
