ന്യൂഡൽഹി: രണ്ട് പാകിസ്ഥാൻ ഭീകരരുടെ കൊലപാതകത്തിൽ ഇന്ത്യൻ ഏജന്റുമാർക്ക് പങ്കുണ്ടെന്ന പാകിസ്ഥാന്റെ അവകാശവാദം നിരസിച്ച് വിദേശകാര്യ മന്ത്രാലയം. അയൽരാജ്യം തെറ്റായതും ദുരുദ്ദേശ്യപരവുമായ ഇന്ത്യാ വിരുദ്ധ പ്രചരണം നടത്തുകയാണെന്ന് ഇന്ത്യ ആരോപിച്ചു. പാകിസ്ഥാൻ എന്താണ് വിതയ്ക്കുന്നത് അത് കൊയ്യുമെന്ന് എംഇഎ വക്താവ് രൺധീർ ജയ്‌സ്വാൾ പറഞ്ഞു.
‘പാകിസ്ഥാൻ വിദേശകാര്യ സെക്രട്ടറിയുടെ ചില പരാമർശങ്ങളെക്കുറിച്ചുള്ള മാധ്യമ റിപ്പോർട്ടുകൾ ഞങ്ങൾ കണ്ടു. വ്യാജവും ദുരുദ്ദേശ്യപരവുമായ ഇന്ത്യാ വിരുദ്ധ പ്രചരണങ്ങൾ നടത്താനുള്ള പാകിസ്ഥാന്റെ ഏറ്റവും പുതിയ ശ്രമമാണിത്. ലോകത്തിന് അറിയാവുന്നതുപോലെ, പാകിസ്ഥാൻ പണ്ടേ തീവ്രവാദത്തിന്റെയും സംഘടിത കുറ്റകൃത്യങ്ങളുടെയും നിയമവിരുദ്ധമായ രാജ്യാന്തര പ്രവർത്തനങ്ങളുടെയും കേന്ദ്രമാണ്’, അദ്ദേഹം പറഞ്ഞു.
ഇന്ത്യയും മറ്റ് പല രാജ്യങ്ങളും പാകിസ്ഥാന്റെ ഭീകര മുഖം തുറന്നുകാട്ടി. പാകിസ്ഥാൻ സ്വന്തം ഭീകരതയുടെയും അക്രമത്തിന്റെയും സംസ്ക്കാരത്താൽ നശിപ്പിക്കപ്പെടുമെന്ന് മറ്റ് രാജ്യങ്ങൾ മുന്നറിയിപ്പ് നൽകി. പാകിസ്ഥാൻ അത് വിതയ്ക്കുന്നത് കൊയ്യുമെന്നും സ്വന്തം തെറ്റുകൾക്ക് മറ്റുള്ളവരെ കുറ്റപ്പെടുത്തുന്നത് ന്യായീകരണമോ പരിഹാരമോ ആകില്ലെന്നും എംഇഎ തുടർന്നു പറഞ്ഞു.
