കണ്ണൂർ: കണ്ണൂരിൽ വളപട്ടണം മന്നം സ്വദേശിയായ വ്യാപാരിയുടെ വീട്ടിൽ വൻ മോഷണം. നിന്നും മോഷണം പോയത് ഒരു കോടി രൂപയും 300 പവനും. മന്ന സ്വദേശി അഷ്റഫിന്റെ വീട്ടിൽ നിന്നാണ് ഒരു കോടി രൂപയും 300 പവനും മോഷണം പോയത്. അഷ്റഫും കുടുംബവും വീട്ടിലില്ലാതിരുന്ന സമയത്താണ് മോഷണം നടന്നത്.
വീട്ടിലുള്ളവര് ഇക്കഴിഞ്ഞ 19-ാം തിയതിയാണ് വീട് പൂട്ടി മധുരയിലെ സുഹൃത്തിനെ സന്ദര്ശിക്കാന് പോയത്. യാത്ര കഴിഞ്ഞ ഞായറാഴ്ച രാത്രി തിരിച്ചെത്തിയപ്പോഴാണ് വീട്ടില് മോഷണം നടന്ന വിവരം തിരിച്ചറിയുന്നത്. അടുക്കള ഭാഗത്തെ ജനലിന്റെ ഗ്രില്ല് മുറിച്ചുമാറ്റിയാണ് മോഷ്ടക്കള് വീടിനുള്ളില് കടന്നത്.
മൂന്നുപേര് മതില്ചാടി വീടിനുള്ളില് കടക്കുന്നതിന്റെ ദൃശ്യങ്ങള് സി.സി.ടി.വിയില് പതിഞ്ഞിട്ടുണ്ട്. ഇന്നലെ രാത്രിയായിരുന്നു സംഭവം. മൂന്നംഗ സംഘം എത്തി കവര്ച്ച നടത്തിയെന്നാണ് നിലവില് ലഭിക്കുന്ന വിവരം. പൊലീസ് സംഭവ സ്ഥലത്തെത്തി അന്വേഷണം ആരംഭിച്ചിട്ടുണ്ട്. ഡോഗ് സ്ക്വാഡ് ഉള്പ്പെടെ സംഭവ സ്ഥലത്ത് പരിശോധന ആംഭിച്ചിരിക്കുകയാണ്.
