ആലപ്പുഴ: ജില്ലയിൽ പക്ഷിപ്പനി സ്ഥിരീകരിച്ചു. ആലപ്പുഴയിലെ ചെറുതന പഞ്ചായത്തിലാണ് പക്ഷിപ്പനി സ്ഥിരീകരിച്ചത്. താനക്കണ്ടത്തില് ദേവരാജന്, ചിറയില് രഘുനാഥന് എന്നിവരുടെ താറാവുകള്ക്കാണ് രോഗം ബാധിച്ചതായി സ്ഥിരീകരിച്ചത്. ജില്ലയിലെ കുട്ടനാട്, ചെറുതല, എടത്വ എന്നിവിടങ്ങളില് കൂട്ടത്തോടെ താറാവുകള് ചത്തൊടുങ്ങിയിരുന്നു. തുടർന്ന് ഭോപ്പാലിലെയും തിരുവല്ലയിലെയും ലാബുകളില് നടത്തിയ പരിശോധനയിലാണ് രോഗം സ്ഥിരീകരിച്ചത്.
രഘുനാഥന് 2 മാസം പ്രായമുള്ള 2000 താറാവുകളും ദേവരാജന് 3 മാസം പ്രായമുള്ള 15,000 താറാവുകളുമാണുള്ളത്. രോഗബാധിത പ്രദേശങ്ങളിലെ താറാവുകളിലെ കൂട്ടത്തോടെ കൊന്നൊടുക്കാന് നിര്ദേശം നല്കിയിട്ടുണ്ട്.
read also: കാറില് നിന്ന് ഇറങ്ങിയതിനു പിന്നാലെ കാല്തെന്നി വീണു: അതേ വണ്ടി കയറി ഹെല്ത്ത് ഇൻസ്പെക്ടര്ക്ക് ദാരുണാന്ത്യം
പക്ഷികളെ കൂടുതലായി ബാധിക്കുന്ന വൈറസാണ് എച്ച്5എന്1. എന്നാല് ഇത് മനുഷ്യരിലും ബാധിക്കാം. രോഗം ബാധിച്ച പക്ഷികളുമായോ അവയുടെ കാഷ്ഠവുമായോ മലിനമായ പ്രതലങ്ങളുമായോ നേരിട്ടുള്ള സമ്പര്ക്കം വൈറസ് പടരുന്നതിനുള്ള കാരണമാകും.
