വയനാട് മണ്ണിടിച്ചില്: എല്ലാ സഹായവും നല്കാന് യു.ഡി.എഫ് പ്രവര്ത്തകരോട് ആവശ്യപ്പെടുന്നതായി പ്രിയങ്കയും രാഹുലും
കല്പറ്റ: വയനാട് ഉരുള്പൊട്ടല് ദുരന്തം ബാധിച്ചവര്ക്ക് എല്ലാ പിന്തുണയും നല്കണമെന്ന് യു.ഡി.എഫ് പ്രവര്ത്തകരോടും നേതാക്കളോടും പൊതുജനങ്ങളോടും അഭ്യര്ത്ഥിക്കുന്നതായി വയനാട് എം.പി. പ്രിയങ്ക ഗാന്ധി. മണ്ണിടിച്ചിലിനെക്കുറിച്ചുള്ള വാര്ത്തകള് ദുഖകരമാണെന്നും ദുരിതത്തില്പെട്ട എല്ലാവര്ക്കും വേണ്ടി ഞാന് പ്രാര്ത്ഥിക്കുന്നെന്നും വയനാട് മുന് എം.പിയും കോണ്ഗ്രസ് നേതാവുമായ രാഹുല് ഗാന്ധിയും പ്രതികരിച്ചു.
‘വയനാട്ടിലെ മണ്ണിടിച്ചിലിനെക്കുറിച്ചുള്ള വാര്ത്തകള് വളരെ ദുഖകരമാണ്. ദുരന്തത്തില് പ്രിയപ്പെട്ടവരെ നഷ്ടപ്പെട്ട കുടുംബങ്ങള്ക്ക് ഞാന് ഹൃദയപൂര്വം അനുശോചനം അറിയികുന്നു. ദുരിതത്തില്പെട്ട എല്ലാവര്ക്കും വേണ്ടി ഞാന് പ്രാര്ത്ഥിക്കുന്നു,’ രാഹുല് ഫേസ്ബുക്ക് പോസ്റ്റില് കുറിച്ചു.
ദുരിതാശ്വാസ പ്രവര്ത്തനങ്ങളും രക്ഷാപ്രവര്ത്തനങ്ങളും പുരോഗമിക്കുകയാണ്. ഇപ്പോഴും കുടുങ്ങിക്കിടക്കുന്നവരെ ബന്ധപ്പെടാന് സാധ്യമായ എല്ലാ ശ്രമങ്ങളും നടക്കുന്നുണ്ട്. ഈ ആവശ്യമുള്ള സമയത്ത് എല്ലാ സഹായവും നല്കാന് എല്ലാ കോണ്ഗ്രസ്, യുഡിഎഫ് പ്രവര്ത്തകരോടും ഞാന് അഭ്യര്ത്ഥിക്കുന്നുവെന്നും രാഹുല് ഫേസ്ബുക്ക് പോസ്റ്റില് പറഞ്ഞു.
മുമ്പും പ്രതികൂല സാഹചര്യങ്ങളെ വയനാട് ശക്തമായി പ്രതിരോധിച്ചിട്ടുണ്ട്. ഈ ദുരന്തം ബാധിച്ച ഓരോ കുടുംബത്തിനും വേണ്ടി നമ്മള് ഒരുമിച്ച് നില്ക്കുമെന്നും രാഹുല് കുറിച്ചു.
സര്ക്കാരിന്റെ മാര്ഗ്ഗനിര്ദ്ദേശങ്ങള് കര്ശനമായി പാലിച്ചുകൊണ്ട് സാധ്യമായ എല്ലാ പിന്തുണയും നല്കണമെന്ന് യു.ഡി.എഫ് പ്രവര്ത്തകരോടും നേതാക്കളോടും പൊതുജനങ്ങളോടും അഭ്യര്ത്ഥിക്കുന്നതായി പ്രിയങ്ക ഗാന്ധി എക്സ് പോസ്റ്റില് പറഞ്ഞു.
All efforts are on to rescue those still trapped in the landslide. Respected CM, Shri. V D Satheesan is monitoring relief efforts himself, the police and NDRF have been at the site for some time, SDRF teams and civil defence volunteers have also reached.
We are all coordinating…
— Priyanka Gandhi Vadra (@priyankagandhi) July 7, 2026
ഇത്തരമൊരു സമയത്ത്, ദുരിതാശ്വാസ, രക്ഷാപ്രവര്ത്തനങ്ങള്ക്ക് തടസ്സമുണ്ടാകുന്നില്ലെന്ന് ഉറപ്പാക്കേണ്ടതുണ്ട്. യാതൊരു ശ്രദ്ധ തിരിക്കലും ഉണ്ടാക്കാതെ സാധ്യമായ എല്ലാ സഹായവും ഉറപ്പാക്കേണ്ടതുണ്ടെന്നും അവര് പറഞ്ഞു.
‘മണ്ണിടിച്ചിലില് കുടുങ്ങിക്കിടക്കുന്നവരെ രക്ഷിക്കാനുള്ള എല്ലാ ശ്രമങ്ങളും പുരോഗമിക്കുകയാണ്. മുഖ്യമന്ത്രി വി.ഡി. സതീശന് ദുരിതാശ്വാസ പ്രവര്ത്തനങ്ങള് നേരിട്ട് നിരീക്ഷിക്കുന്നുണ്ട്. പോലീസും എന്.ഡി.ആര്.എഫും സ്ഥലത്തുണ്ട്. ജില്ലാ ഭരണകൂടവും സ്ഥലത്തെത്തിയ മന്ത്രിമാരായ ടി. സിദ്ദിഖ്, എ.പി. അനില് കുമാര് എന്നിവരും പ്രാദേശിക പാര്ട്ടി നേതാക്കളും ബന്ധപ്പെട്ട ഏജന്സികളും ചേര്ന്ന് പ്രവര്ത്തനങ്ങള് ഏകോപിപ്പിക്കുന്നുണ്ട്,’ പ്രിയങ്ക എക്സ് പോസ്റ്റില് കുറിച്ചു.
ദുരന്തത്തില് തങ്ങളുടെ കുടുംബാംഗങ്ങളെ നഷ്ടപ്പെട്ടവര്ക്ക് അനുശോചനം അറിയിക്കുന്നു. ഈ ഭീകരമായ സമയത്ത് ഞങ്ങള് നിങ്ങളോടൊപ്പമുണ്ടാകും. സാധ്യമായ എല്ലാ പിന്തുണയും നല്കുമെന്നും അവര് പറഞ്ഞു.
അപകടത്തില് കാണാതായവര്ക്കായി പ്രാര്ത്ഥിക്കുന്നു. രക്ഷാപ്രവര്ത്തകര് കണ്ടെത്തുന്നത് വരെ അവര് കരുത്തോടെ തുടരാന് കഴിയട്ടെ. അവരെ കാത്തിരിക്കുന്ന കുടുംബങ്ങള്ക്ക് ഈ വേദനിപ്പിക്കുന്ന നിമിഷങ്ങള് കടന്നുപോകാനുള്ള ധൈര്യമുണ്ടായിരിക്കട്ടെയെന്നും പ്രിയങ്ക എക്സ് പോസ്റ്റില് കുറിച്ചു.
Content Highlight: Meppadi Wayanad Landslide: Response On Priyanka Gandhi MP and Rahul Gandhi
