കീവ്: ഉക്രൈനിൽ വൻ വ്യോമാക്രമണം നടത്തി റഷ്യ. ഉക്രൈനിലെ തന്ത്രപ്രധാന കേന്ദ്രങ്ങൾ ലക്ഷ്യമിട്ട് റഷ്യ 158 ഡ്രോണുകളും മിസൈലുകളും പ്രയോഗിച്ചതായി ഉക്രൈൻ സൈനിക മേധാവി ടെലിഗ്രാം ആപ്പിൽ വ്യക്തമാക്കി. 122 മിസൈലുകളാണ് റഷ്യ പുറപ്പെടുവിച്ചത്. റഷ്യ നടത്തിയ വ്യോമാക്രമണത്തിൽ 87 മിസൈലുകളും 27 ഷാഹെദ് തരം ഡ്രോണുകളും ഉക്രേനിയൻ വ്യോമസേന ഒറ്റരാത്രികൊണ്ട് തടഞ്ഞുവെന്ന് ഉക്രൈൻ സൈനിക മേധാവി വലേരി സലുഷ്നി വ്യക്തമാക്കി. ഉക്രൈനെതിരെ റഷ്യ നടത്തുന്ന ഏറ്റവും ശക്തമായ വ്യോമാക്രമണമാണ് വെള്ളിയാഴ്ച നടന്നതെന്നും അദ്ദേഹം വ്യക്തമാക്കി. രാജ്യത്തുടനീളം കുറഞ്ഞത് 18 സിവിലിയന്മാരെങ്കിലും കൊല്ലപ്പെട്ടു.
‘2022 ഫെബ്രുവരിയിൽ റഷ്യയുടെ പൂർണ്ണ തോതിലുള്ള അധിനിവേശത്തിനു ശേഷമുള്ള ഏറ്റവും വലിയ വ്യോമാക്രമണം’ ആണിതെന്ന് എയർഫോഴ്സ് കമാൻഡർ മൈക്കോള ഒലെഷ്ചുക്ക് തന്റെ ഔദ്യോഗിക ടെലിഗ്രാം ചാനലിൽ എഴുതി. സൈനിക കേന്ദ്രങ്ങൾ, വ്യാവസായിക കേന്ദ്രങ്ങൾ തുടങ്ങിയ തന്ത്രപ്രധാന കേന്ദ്രങ്ങൾ ലക്ഷ്യമിട്ടായിരുന്നു ആക്രമണം. 27 ഡ്രോണുകളും 87 ക്രൂയിസ് മിസൈലുകളും യുക്രൈൻ വ്യേമ പ്രതിരോധ സംവിധാനം തകർത്തതായും യുക്രൈൻ സൈനിക മേധാവി അറിയിച്ചു. ഹൈപ്പർസോണിക്, ക്രൂയിസ്, ബാലിസ്റ്റിക് മിസൈലുകളാണ് റഷ്യ ഉപയോഗിച്ചതെന്നും വ്യോമസേന അറിയിച്ചു.
ഏകദേശം 1,000 കിലോമീറ്റർ സമ്പർക്ക നിരയിൽ കാര്യമായ മുന്നേറ്റം ഉണ്ടാക്കുന്നതിൽ ഉക്രെയ്നിന്റെ വേനൽക്കാല പ്രത്യാക്രമണം പരാജയപ്പെട്ടതിനെത്തുടർന്ന് മുൻനിരയിലെ പോരാട്ടം ശീതകാല കാലാവസ്ഥയിൽ വലിയ തോതിൽ തടസ്സപ്പെട്ടു. വെള്ളിയാഴ്ചത്തേത് പോലുള്ള വ്യോമാക്രമണങ്ങളിൽ നിന്ന് സ്വയം പരിരക്ഷിക്കുന്നതിന് കൂടുതൽ വ്യോമ പ്രതിരോധം നൽകണമെന്ന് ഉക്രേനിയൻ ഉദ്യോഗസ്ഥർ രാജ്യത്തിന്റെ പാശ്ചാത്യ സഖ്യകക്ഷികളോട് അഭ്യർത്ഥിച്ചു. ഊർജ സംവിധാനത്തെ ലക്ഷ്യമിട്ട് ഒരു വലിയ വ്യോമാക്രമണം നടത്താൻ റഷ്യ മിസൈലുകൾ സംഭരിച്ചേക്കുമെന്ന് ഉക്രൈൻ നേരത്തെ സംശയം പ്രകടിപ്പിച്ചിരുന്നു.
