തൃശൂര് ചേലക്കര കിള്ളിമംഗലത്ത് യുവാവ് ആള്ക്കൂട്ട മര്ദ്ദനത്തിന് ഇരയായതായി പരാതി. വെട്ടിക്കാട്ടിരി സ്വദേശി സന്തോഷിനാണ്(31) മര്ദനമേറ്റത്. കിള്ളിമംഗലത്തെ ഒരു വീട്ടില് അടക്ക മോഷ്ടിച്ചെന്ന് ആരോപിച്ചായിരുന്നു മര്ദ്ദനം. മര്ദനത്തെ തുടര്ന്ന് ഗുരുതരാവസ്ഥയില് ചികിത്സയിലാണ് യുവാവ്.
ഇന്ന് പുലര്ച്ചെ രണ്ട് മണിയോടെയായിരുന്നു സംഭവം. കിള്ളിമംഗലം പ്ലാക്കല് പീടികയില് അബ്ബാസിന്റെ വീട്ടില് നിന്ന് അടുത്തിടെയായി അടയ്ക്ക മോഷണം പോകുന്നത് പതിവായിരുന്നു. ഇതോടെ മോഷ്ടാവിനെ കണ്ടെത്താന് വീട്ടില് സിസിടിവി സ്ഥാപിച്ചു. ഇത് നിരീക്ഷിച്ച് വരികയായിരുന്നു. ഇതിനിടെയാണ് പുലര്ച്ചെ സന്തോഷിനെ തടഞ്ഞുവെച്ച് മര്ദ്ദിച്ചത്. ഗുരുതരമായി പരുക്കേറ്റ സന്തോഷ് തൃശൂര് മെഡി. കോളജില് ചികിത്സയിലാണ്.
