ആലപ്പുഴ: ആലപ്പുഴ ജില്ലയില് പക്ഷിപ്പനി സ്ഥിരീകരിച്ച സാഹചര്യത്തില് പ്രഭവകേന്ദ്രത്തില് നിന്നും 10 കി.മീ ചുറ്റളവില് വരുന്ന സര്വലൈന്സ് സോണില് ഉള്പ്പെടുന്ന സ്ഥലങ്ങളില് താറാവ്, കോഴി, കാട, മറ്റു വളര്ത്തുപക്ഷികള് ഇവയുടെ മുട്ട, ഇറച്ചി, കാഷ്ടം (വളം) എന്നിവയുടെ ഉപയോഗവും വിപണനവും നിരോധിച്ച് ഉത്തരവായി. മെയ് എട്ട് വരെയാണ് നിരോധനം.
Read Also: ഭർത്താവിന്റെ വീട്ടിലേക്കെന്നു പറഞ്ഞു പോയ യുവതിയെയും കുഞ്ഞിനേയും പുഴയിൽ മരിച്ച നിലയിൽ കണ്ടെത്തി
കൈനകരി, നെടുമുടി, ചമ്പക്കുളം, തലവടി, അമ്പലപ്പുഴതെക്ക്, തകഴി, ചെറുതന, വീയപുരം, മുട്ടാര്, രാമങ്കരി, വെളിയനാട്, കാവാലം, പുറക്കാട്, അമ്പലപ്പുഴ വടക്ക്, നീലംപേരൂര്, പുന്നപ്രതെക്ക്, പുളിങ്കുന്ന്, തൃക്കുന്നപ്പുഴ, കുമാരപുരം, ചെന്നിത്തല, കരുവാറ്റ, മാന്നാര്, കാര്ത്തികപ്പള്ളി, ഹരിപ്പാട് നഗരസഭ, പള്ളിപ്പാട്, എടത്വ, പുന്നപ്ര വടക്ക്, ആലപ്പുഴ നഗരസഭ എന്നീ തദ്ദേശസ്വയംഭരണ പ്രദേശങ്ങളിലാണ് നിലവില് നിരോധനം ഏര്പ്പെടുത്തിയിരിക്കുന്നത്.
