എകെജി സെന്‍ററിലെ മുന്‍ ജീവനക്കാരന്‍ തൂങ്ങിമരിച്ച നിലയില്‍

തിരുവനന്തപുരം: എകെജി സെന്ററിലെ മുൻ ജീവനക്കാരൻ ജീവനൊടുക്കിയ നിലയിൽ. നെടുമങ്ങാട് പുലിപ്പാറ സ്വദേശിയായ ബാബുവാണ് മരിച്ചത്. വീടിന്റെ മുന്നിലെ സിറ്റൗട്ടിന് പുറത്ത് പുലർച്ചെ തൂങ്ങിയ നിലയിൽ ബാബുവിനെ കണ്ടെത്തുകയായിരുന്നു.

ഉടൻ തന്നെ നെടുമങ്ങാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 4 മാസം മുമ്പ് ബാബുവിനെ എകെജി സെന്ററിലെ ജോലിയിൽ നിന്ന് പിരിച്ച് വിട്ടിരുന്നു.