പൊതുവെ നിഷ്ക്രിയതയും അസ്വസ്ഥതയും സൃഷ്ടിക്കുന്നതാണ് കര്ക്കടക മാസം . ഇതില് നിന്നുള്ള മോചനത്തിന് പൂര്വ്വസ്വരൂപികളാ ആചാര്യന്മാര് നല്കിയ ഉപായമാണ് രാമായണപാരായണവും മറ്റനുഷ്ഠാനങ്ങളും. രാമായണ മാസം എന്ന പുണ്യനാമം കൂടി കര്ക്കടകത്തിനുണ്ട്. അതിനാല് ഈ മാസം മുഴുവനും രാമായണം പാരായണം ചെയ്യുകയാണ് വേണ്ടത്. രാമായണ പാരായണം ചെയ്യുന്നതിനും ചില ചിട്ടകള് നിലനില്ക്കുന്നുണ്ട്. അത് എന്തൊക്കെയാണെന്ന് അറിയാം.
യാതൊരു കേടുപാടുമില്ലാത്ത മഹത്ഗ്രന്ഥമാണ് പാരായണത്തിന് ഉപയോഗിക്കേണ്ടത്. മഹത്ഗ്രന്ഥം പരിശുദ്ധമായ പീഠത്തിലോ പട്ടിലോ വച്ച് ഞായര്, ബുധന്, വ്യാഴം ദിവസങ്ങള് ആദ്യമായി ഗ്രന്ഥം എടുത്ത് രാവിലെ കുളി കഴിഞ്ഞ് ശുദ്ധിയുള്ള വസ്ത്രം ധരിച്ച് 11 പേരുടെ പടം ഉള്ള പട്ടാഭിഷേക പടത്തിന് മുന്നില്, (അല്ലാത്ത പടം വയ്ക്കാന് പാടില്ല അപൂര്ണ്ണമാണ് ) പാരായണം ചെയ്യുക. ക്ഷേത്രദര്ശനം കഴിഞ്ഞ് വീട്ടിലെത്തുമ്പോള് വലതുകാല് ആദ്യം പടിയില് ചവിട്ടി കയറണം.
ക്ഷേത്രദര്ശനം കഴിഞ്ഞ് വന്ന് കൈകാല് കഴുകാന് പാടില്ല. ശുദ്ധിയുള്ള വസ്ത്രം ധരിച്ച് വടക്ക് അഭിമുഖമായി ഇരുന്ന് കിഴക്ക് സൂര്യനുള്ളപ്പോള് പടിഞ്ഞാറ് ചന്ദ്രനുണ്ടായിരിക്കും. തെക്കോട്ടിരുന്ന് ഒരു കര്മ്മവും ചെയ്യാന് പാടില്ല. ആയതിനാല് വടക്കോട്ടാണ് ഇരിക്കേണ്ടത്. അക്ഷരശുദ്ധിയോടെ വേണം രാമായണ പാരായണം ചെയ്യാന്. മറ്റു കാര്യങ്ങളില് ഇടപെടാന് പാടില്ല. ഏകാഗ്രതയും ശ്രദ്ധയും വേണം.
ബാലകാണ്ഡത്തിലെ ശ്രീരാമ രാമ രാമ എന്ന ഭാഗത്തില് നിന്നായിരിക്കണം രാമായണപാരായണം ആരംഭിക്കേണ്ടത്. ഏതൊരു ഭാഗം വായിക്കുന്നതിനുമുമ്പും ബാലകാണ്ഡത്തിലെ ഈ ഭാഗം പാരായണം ചെയ്തിരിക്കണം. ശ്രേഷ്ഠകാര്യങ്ങള് വര്ണ്ണിക്കുന്നിടത്തു നിന്ന് ആരംഭിച്ച് നല്ല കാര്യങ്ങള് വിവരിക്കുന്നിടത്ത് അവസാനിപ്പിക്കണം.
യുദ്ധം, കലഹം, മരണം തുടങ്ങിയവ വര്ണ്ണിക്കുന്നിടത്തു നിന്ന് ആരംഭിക്കുകയോ അവസാനിപ്പിക്കുകയോ ചെയ്യരുത്. മംഗളകരമായ സംഭവം അവസാനിപ്പിക്കുന്ന ഭാഗത്ത് വായന നിര്ത്തുന്നതാണ് ഉത്തമം. നിത്യപാരായണം ചെയ്യുമ്പോള് യുദ്ധകാണ്ഡത്തിന്റെ അവസാനഭാഗത്തു നല്കിയിരിക്കുന്ന രാമായണ മാഹാത്മ്യം കൂടി പാരായണം ചെയ്തു വേണം അവസാനിപ്പിക്കാന്.
